کوآنٹن: ایشین ہاکی چیمپئنز ٹرافی ملائیشیا کے شہر کوآنٹن میں جاری ہے۔ گرین شرٹس ایونٹ میں اعزاز کا دفاع کر رہے ہیں۔ آخری گروپ میچ میں پاکستان اور چین مدمقابل ہوں گے۔ دونوں ٹیموں کا اہم مقابلہ سہ پہر ساڑھے تین بجے شروع ہو گا۔ سیمی فائنل تک رسائی کیلئے قومی ٹیم کا آج کا میچ جیتنا ضروری ہے۔ اس مقابلے کی برابری بھی پاکستان کو ٹاپ فور مرحلے میں پہنچا دے گی۔ 4 میچوں کے بعد گرین شرٹس کے 6 اور اتنے ہی مقابلوں کے بعد چین کے 3 پوائنٹس ہیں۔ چین کی فتح پر سیمی فائنلسٹ ٹیم کا فیصلہ بہتر گول ایوریج پر ہو گا۔ جہاں پاکستان کو برتری حاصل ہے۔