BEIJING husband a suicide attempt foiled of the wife pulled by the hair

بیجنگ ( مانیٹرنگ ڈیسک) چین میں ایک بیوی نے اپنے شوہر سے لڑائی کے بعد عمارت کی ساتویں منزل سے چھلانگ لگا دی لیکن شوہر نے ایسا کام کر دیا کہ حیران کن طور پر اس کی خودکشی کی کوشش ناکام بنا کر اس کی جان بچا لی ۔ میل آن لائن کی رپورٹ کے مطابق یہ واقعہ چین کے صوبے شانزی کے علاقے شی کوان میں پیش آیا جہاں کانگ نامی بیوی نے اپنے شوہر لیو سے جھگڑے کے بعد عمارت کی چھت سے کودنے کی کوشش کی ۔ اس کا شوہر اسے بچانے کے لیے آگے بڑھا تو اس نے چھلانگ دی ، لیکن اتفاق سے شوہر کے تیزی سے آگے بڑھائے گئے ہاتھ میں خاتون کی چوٹی (سر کے بال) آ گئے ۔ رپورٹ کے مطابق شوہر نے بیوی کو بالوں سے پکڑ رکھا تھا اور وہ نیچے لٹک رہی تھی اور اب بھی اپنے بال چھڑوا کر نیچے گرنے کی کوشش کر رہی تھی اور چیخ چیخ کر کہہ رہی تھی کہ   مجھے چھوڑ دو، مجھے گرنے دو   ۔ یہ ماجرا دیکھ کر نیچے موجود لوگوں نے پولیس کو اطلاع دی اور فوری طور پر 6 اہلکار وہاں پہنچ گئے جو کانگ کو واپس چھت پر لانے میں بمشکل کامیاب ہوئے کیونکہ وہ اب تک شدید مزاحمت کر رہی تھی ۔ پولیس کا کہنا ہے کہ وہاں نیچے ایک پانی کا بڑا پائپ موجود تھا ، جس کے سہارے وہ بچ پائی۔ اگر یہ پائپ نہ ہوتا تو اس کا شوہر محض اس کے بالوں کے سہارے اتنی دیر تک اسے پکڑ کر نہیں رکھ سکتا تھا ۔