خواتین اپنی عمر سے کم دکھائی دینے کے لیے بہت سے جتن کرتی ہیں جن میں سے ایک میک اپ بھی ہے جو بڑی حد تک انہیں جوان اور پرکشش نظر آنے میں مدد فراہم کرتا ہے تاہم اب میک اپ کے ماہر نے عمر رسیدہ خواتین کو ان کی عمر سے نصف دکھانے کا بیڑہ اٹھایا ہے اور وہ اس میں حیرت انگیز طور پر کامیاب بھی رہے ہیں۔ آذربائیجان کے 32 سالہ انر اگاکی شیف 80 سالہ خاتون کو 40 سال کا دکھانے کی غیرمعمولی صلاحیت رکھتے ہیں میک اپ کے بعد جب خواتین خود کو آئینے میں دیکھتی ہیں تو انہیں یقین نہیں آتا کہ یہ ان کا اپنا چہرہ ہے۔

انر ایک بڑے میک اپ اسٹوڈیو کے مالک ہیں جو اپنے صارفین کو خوب سے خوب تر بنانے کی کوشش کرتا رہتا ہے تاہم وہ ایک کام کے زیادہ ماہر ہیں یعنی بوڑھی خواتین کو جوان بناسکتے ہیں۔

آنکھوں کے گرد حلقے، جھریاں اور عمر رسیدگی کے نشانات مٹانے میں انہیں خاص امتیاز حاصل ہے اس طرح وہ بوڑھی خواتین کو خوبرو اور جوان بنا رہے ہیں۔

خبر میں انر اگاکی شیف کے چند بہترین میک اپ آپ کے لیے پیش کیے جارہے ہیں جنہیں دیکھنے کے بعد آپ بھی ان کی تعریف کیے بنا نہ رہ سکیں گے۔