Benazir Bhutto export

اسلام آباد۔۔۔۔۔بے نظیر بھٹو انٹرنیشنل ائرپورٹ پر گذشتہ چند گھنٹوں کے دوران 4 مسافروں سے32کلو ہیروئن برآمدکی گئی ہے ۔ ہیروئن سعودی عرب ، آسٹریا اور اٹلی سمگل کرنے کی کوشش کی جارہی تھی۔
اے این اے کے فورس کمانڈر برگیڈئررمضان کے مطابق انٹی نارکوٹکس فورس نے ائرپورٹ پر کارروائی انٹیلی جنس معلومات کی بنیاد پر کی ۔دوملزمان سعودی عرب ،ایک اٹلی اور ایک آسٹریا جارہاتھا، ریاض جانے کی کوشش کرنے والے سرگودھا کے رہائشی قاسم علی اور غلام علی سے الگ الگ 5کلو 650گرام ہیروئن برآمد ہوئی ۔ملزمان کو ائرپورٹ داخل ہونے کے بعد مخبری پر گرفتارکیا گیا۔ آسٹریا جانے کی کوشش کرنے والے سیالکوٹ کے صغیر سے اسکیننگ کے دوران 11کلو 350گرام ہیروئن برآمد ہوئی۔ اٹلی جانے کی کوشش کرنے والے فیصل آباد کے اشفاق سے بھی اسکیننگ کے دوران 12کلو 50گرام ہیروئن برآمد کی گئی ۔ برگیڈیئر رمضان گل کا کہنا ہے کہ ملزمان سے تحقیقات کا آغاز کردیا گیا ہے