بھمبر : کنٹرول لائن پر بھارتی فورسز کی ایک بار پھر اشتعال انگیزی ، ضلع بھمبر کے کھوئی رٹہ سیکٹر میں فائرنگ ، پاک فوج کی بروقت موثر جوابی کارروائی ، آئی ایس پی آر کا کہنا ہے کہ کوئی جانی نقصان ہونے کی اطلاع نہیں ملی ۔ اتوار کی صبح سویرے تقریبا ساڑھے چار بجے بھارتی فوج نے آزاد کشمیر کے ضلع بھمبر میں کنٹرول لائن پر کھوئی رٹہ سیکٹر میں بلااشتعال فائرنگ کا سلسلہ شروع کیا ۔ پاک فوج نے بھارتی فائرنگ شروع ہونے پر اسی انداز میں موثر جواب دیا ۔ فائرنگ کا تبادلہ صبح سات بجے تک جاری رہا تاہم پاک فوج کے منہ توڑ جواب پر بھارتی سائیڈ میں سناٹا چھا گیا ۔ آئی ایس پی آرکا کہنا ہے کہ فائرنگ سے ابھی کسی جانی نقصان کی اطلاع نہیں ملی ہے ۔