لاہور:  بلاول بھٹو کو دلہن کی تلاش ہے۔ چیئرمین پی پی پی کے ارادے جان کر سردار ایاز صادق کہتے ہیں بلاول کو لڑکیوں کی کمی کا مسئلہ نہیں لیکن ان کو میرا مشورہ ہے کہ جو بھی فیصلہ کریں صحیح کریں۔ سپیکر قومی اسمبلی کہتے ہیں انہیں شادی سے متعلق بلاول کی بات بے حد پسند آئی ہے۔

خوشگوار موڈ میں بھی ایاز صادق پاناما کے معاملے پر اپوزیشن کو نہیں بھولے، کہتے ہیں اپوزیشن کے باعث مشترکہ ٹی او آرز کمیٹی نہ بنائی جا سکی۔ سپیکر قومی اسمبلی نے خبردار کیا کہ سپریم کورٹ کے فیصلوں پر نکتہ چینی مناسب نہیں۔ انہوں نے کہا کہ پاناما کا معاملہ سپریم کورٹ میں ہے تو کیا دھرنے والے اب عدالت پر دباؤ ڈالنا چاہتے ہیں۔

بلاول بھٹو زرداری کی جانب سے شادی کے ذکر کا تمام سیاستدانوں کی جانب سے خیرمقدم کیا گیا ہے اور نیک خواہشات کا اظہار کیا گیا ہے۔ ساتھ ہی ساتھ سیاسی انکلز نے بلاول کو کامیاب شادی کے گر بھی بتا دئیے۔

وزیر مملکت عابد شیر علی کہتے ہیں، بلاول بھٹو شادی کر کے سکینڈلز سے بچ جائیں گے لیکن ساتھ ہی انہوں نے بلاول کو چاچا سے پرہیز کا مشورہ بھی دے ڈالا۔

متحدہ پاکستان کے رہنماء رؤف صدیقی نے بلاول بھٹو کو پسند کی شادی کا مشورہ دیا ہے۔

بلاول بھٹو زرداری کی شادی کی بات ایک بڑی خبر بن کر سامنے آئی ہے اور ملک بھر سے ان کے لئے بیسٹ وشز بھی آنے لگی ہیں۔