ممبئی: بھارت میں جنگی جنون میں مبتلا جماعت بی جے پی کی جانب سے کھلے عام تو اپنے مخالفین کے خلاف ردعمل کا اظہار نہیں کیا جاتا لیکن پیٹھ پیچھے وہ اپنے ہتھکنڈوں سے باز نہیں آتی اور ایسا ہی کچھ عامر خان کے ساتھ بھی ہوا جس کا بھانڈا حکمران جماعت کے گھر کے بھیدی نے ہی پھوڑ ڈالا ہے۔

BJP Conspiracies against the Amir , Indian writer

گزشتہ برس جب عامرخان نے بھارت میں مسلمانوں کے خلاف بڑھتے تعصب پراپنے جذبات کا اظہار کیا تو بھارتی ہندو انتہا پسندوں نے ان کے خلاف ایک طوفان کھڑا کردیا تھا اورانھیں بھاری مالی نقصان کے علاوہ ذہنی اذیت کا بھی سامنا کرنا پڑا تھا ان سازشوں کے پیچھے کوئی اور نہیں بلکہ بھارت کی سب سے بڑی سیاسی ہندو انتہا پسند جماعت بی جے پی نکلی اوراس کا بھانڈا اس تنظیم کی سابق رضا کارسادھوی کھوسلہ نے اپنی کتاب میں پھوڑڈالا ہے۔بھارتی صحافی سواتی چترویدی کی کتاب آئی ایم ٹرال میں بی جے پی کے سوشل میڈیا سیل کی ایک سابق رضاکار سدھاوی کھوسلا نے انکشاف کیا ہے کہ ایک برس قبل عامر خان اور ان کی اہلیہ کی جانب سے ہندو انتہا پسندی کے خلاف آواز اٹھانے پرمجھے بی جے پی کے آئی ٹی سیل سربراہ اروند گپتا کی جانب سے سوشل میڈیا پرمتعدد پیغامات بھیجے گئے تھے کہ اداکارکے خلاف طرح طرح کی مہمات کا آغاز کیا جائے جس کے بعد معروف بھارتی ای کامرس کی کمپنی سنیپ ڈیل بھی اداکارکو اپنی برانڈ کا سفیر ہٹاتے ہوئے معاہدہ بھی ختم کردیا۔