Caribbean League auction

ٹرینیڈاڈ…… ویسٹ انڈیز کی مقامی لیگکیریبین لیگ کیلئے کھلاڑیوں کی نیلامی 11 فروری کو ہوگی،نیلامی میں پاکستان کے کرکٹرز سلمان بٹ، محمد آصف اور محمد عامر بھی شامل ہوں گے ۔
تینوں کھلاڑی پہلی بار کیریبین لیگ میں حصہ لیں گے، اس سے پہلے پاکستانی کھلاڑی مصباح الحق، شاہد آفریدی، عمر اکمل، کامران اکمل، عمران خان جونیئر اور محمد حفیظ سمیت کئی کھلاڑی اس لیگ میں کھیل چکے ہیں۔ گزشتہ سال کی کیریبین لیگ کے فائنل میں کامران اکمل نے دھواں دار بلے بازی کر کے اپنی ٹیم ٹرینیڈاڈ اینڈ ٹوباگو ریڈ سٹیل کو فتح دلوائی تھی اور مین آف دی میچ قرار پائے تھے جبکہ ہارنے والی بارباڈوس ٹرائیڈینٹ میں مصباح الحق شامل تھے۔