بلاول اورمریم کی سیاست ابوبچائو سے شروع اورانشااللہ ابو بچائو پر ہی خت ہوجائیگی، اکرام رانجھا

پیرس؍اسلام آباد(ایس ایم حسنین) پاکستان تحریک انصاف فرانس کے مرکزی راہنما چوہدری اکرام رانجھا نے کہا ہے کہ بلاول اورمریم نواز سیاست کے اہل نہیں رہ سکتے کیونکہ ان کی پریکٹس ایک کرپٹ نظام سے سیکھنے اور پھر اس کرپٹ نظام کو بچانے کیلئے من گھڑت بیانات اور مجرمانہ سرگرمیوں کے تحفظ کے علاوہ کچھ نہیں ۔

ان دونوں کے ابو کرپشن اور گھنائونے کاموں میں اس قدر لتھڑے ہوئے ہیں کہ ان کی سیاست شروع بھی ابو بچائو سے ہوئی اور انشااللہ اسی پر ختم ہوتی نظر آچکی ہے ۔ انہوں نے کہا کہ پاکستان کی تاریخ کے سب سے بڑے مالیاتی سکینڈلز میں مجرم ٹھہرائے گئے خاندان اور ان کے سربراہان پر اس دنیا میں تو اب کوئی اعتبار کرے گا نہیں ۔

انکا  کہنا تھا کہ آج جو لوگ ابو بچائو تحریک میں شامل ہیں وہ صرف اورصرف اپنی کرپشن کھلنے تک ان کے ساتھ ہیں جیسے جیسے ایک ایک کی کرپشن سامنے آتی جائیگی ان کا شور ختم ہوتاجائیگا۔ کیونکہ اب ایک دیانتدار محب وطن حکومت ہے اس کرپٹ اورچور ٹولے کیلئے مہلت ختم ہوچکی ہے۔