آصف زرداری پر پہلے بھی مقدمات بنائے گئے جو جھوٹے ثابت ہوئے انشاء اللہ جعلی اکائونٹس کے مقدمے میں بھی عدالتوں سے وہ سرخرو ہوکر جلد عوام کے درمیان ہونگے۔چوہدری رضی حسن

پیرس؍اسلام آباد(ایس ایم حسنین) پاکستان پیپلز پارٹی فرانس یوتھ ونگ کے مرکزی راہنما چوہدری رضی حسن نے سابق صدر آصف علی زرداری اور محترمہ فریال تالپور کی گرفتاری کی شدید مذمت کرتے ہوئے کہا ہے کہ آصف زرداری پر پہلے بھی مقدمات بنائے گئے جو جھوٹے ثابت ہوئے انشاء اللہ جعلی اکائونٹس کے مقدمے میں بھی عدالتوں سے وہ سرخرو ہوکر جلد عوام کے درمیان ہونگے ۔ وفاقی حکومت کی ناکامیوں اور عوام دشمن پالیسیوں کے خلاف گلی گلی میں آواز اٹھائینگے۔ شہید بھٹو شہید بی بی اور آصف علی زرداری نے قید و بند کی صعوبتیں برداشت کیں مگر غیرجمہوری قوتوں کے سامنے سر نہیں جھکایا۔

سلیکٹیڈ حکمراں جماعت اور انکے حواری جتنا مرضی لیڈرشپ کیخلاف پروپیگنڈہ کرلیں۔ جیالوں کے صبر کو نہ آزمایا جائے ہم جانیں دینے والے لوگ ہیں پیپلز پارٹی پہلے کبھی گرفتاریوں سے گھبرائی نہ اب گھبرائے گی جیالوں نے ہمیشہ جرات اور بہادری کی تاریخ رقم کی ۔ پیپلز پارٹی کو ختم کرنے والے خود فنا ہوگئے۔ انہوں نے کہا کہ ملک میں بڑے بڑے آمر آئے چلے گئے مگر پیپلز پارٹی کو عوام کے دلوں سے نہیں نکالا جاسکا۔ پیپلز پارٹی نے عوام کو سیاسی شعور دیا۔ پارٹی کے بانی اور دختر مشرق بے نظیر بھٹو عوام کے حقوق کیلئے قربان ہوگئیں مگر آمروں سے کبھی سمجھوتہ نہیں کیا۔ پیپلز پارٹی وفاق کی علامت ہے جو چاروں صوبوں‘ گلگت‘ بلتستان اور آزاد کشمیر میں عوام کے حقوق کے لئے سرگرم عمل ہے۔ پیپلز پارٹی کی سیاسی جدوجہد ہمیشہ عوام کی فلاح و بہبود کے حصول کیلئے رہی اور رہے گی