جعلی مینڈیٹ پرقائم حکومت ہرمعاملنے میں یکسر ناکام ہوچکی ہے، چوہدری سجاد احمد
پیرس/اسلام آباد(ایس ایم حسنین) پاکستان مسلم لیگ ن یوتھ ونگ فرانس کے جنرل سیکرٹری چوہدری سجاد احمد نے کہا ہے کہ جعلی مینڈیٹ پرقائم حکومت ہرمعاملے میں یکسر ناکام ہوتی جارہی ہے۔
انہوں نے پیرس میں میڈیا سے بات کرتے ہوئے کہا کہ ایک کروڑ نوکری دینے کے بجائے لاکھوں لوگوں کو بے روز گار کردیا گیا،روز مرہ اشیا کی قیمتیں آسمانوں سے باتیں کرہی ہیں مگر موجودہ حکومت کے کان پر جوں تک نہیں رینگتی۔
موجودہ حکومت ہر معاملے میں مکمل طور پر ناکام ہوچکی ہے،موجودہ حکومت سے اس قوم کو بچانا ہوگا۔
حکومت جعلی مینڈیٹ کے ذریعے برسراقتدار آئی اب وقت آچکا ہے کہ ان تمام سوالات کا جواب ان لوگوں سے لیا جائے کہ آر ٹی اے سسٹم کیسے اور کس نے فیل کروایاہم فری اینڈ فئیر الیکشن چاہتے ہیں۔سیاست کی شائستگی ختم ہوکرگالم گلوچ تک باقی رہ گئی۔یہ کیسی نیب ہے جوایک صوبے کے کیسزز دوسرے صوبے میں چلارہی ہیں۔اگر اس ملک کی ترقی اور وقار ہمیں عزیز ہے تو اس حکومت کے خلاف سڑکوں پر آنا ہوگا۔