میاں محمد نواز شریف کو وزارت عظمیٰ کی نہیں بلکہ اس ملک کو بطور وزیراعظم نواز شریف کی ضرورت ہے۔ چوہدری سجاد احمد سجاد احمد

پیرس (مانیٹرنگ رپورٹ) نومنتخب جنرل سیکرٹری مسلم لیگ ن (یوتھ ونگ) فرانس چوہدری سجاد احمد نے کہا ہے کہ  مسلم لیگ ن یوتھ ونگ فرانس اصغر خان صدر یوتھ ونگ کی قیادت میں  انتہائی جانفشانی سے کام کرر ہی ہے اور عظیم قائد میاں محمد نواز شریف کے مقصد مضبوط جمہوری پاکستان کی طرف گامزن ہے۔

انہوں نے کہا کہ نیب کیسز سے ڈرنے والے نہیں میاں محمد نواز شریف نے اکیلے جمہوریت کی مضبوطی اور اینٹی جمہور کرپٹ مافیا اور اسٹیبلشمنٹ کیخلاف تحریک کا بیڑہ اٹھا یا ہے ان کی تحریک آنے والی نسلوں کیلئے ہے ۔

این آر او کا واویلا کرنے والے اب خود اپنے عزیزواقارب کیلئے این آر او ز ڈھونڈ رہے ہیں یہ حکومت جب سے بنی ہے لڑکھڑا رہی ہے،ابھی تک جتنی بے نامی جائیدادیں نکلی ہیں وہ عمران خان کے خاندان کی نکلی ہیں وہ جائیدادیں واپس لے کر آئیں۔

احتساب کا عمل تو عمران خان کے خلاف بھی شروع ہے وہ اس کو کبھی چلنے نہیں دیتے کبھی پیش نہیں ہوتے۔ ہم جمہوریت کو مضبوط کرنا چاہتے ہیں ۔انہوں نے کہا کہ علیمہ باجی کے غیر قانونی جائیداد کے ذرائع چندے، تعلیم کے پیسے اور پاکستان تحریک انصاف کے جعلی اکاؤنٹس ہیں، عمران صاحب علیمہ باجی کو این آر او کیوں دیا،ملک پر اس وقت چوروں کی بارات مسلط ہے جس کے دلہا عمران خان ہیںجتنی جلدی ممکن ہو سکے عوام پر مسلط حکمرانوں کے اس ٹولے سے نجات حاصل کرنا ہوگی،جب سے یہ گدوں کا ٹولہ اقتدار میں آیا ہے عوام اور ملک کے لئے یہ منحوس ثابت ہوا ہے،پورے ملک سے بجلی غائب گیس غائب مہنگائی زوروں پرنا اہل اور مینڈیٹ چوری کرنے والے حکمرانوں کی وجہ ترقی کی راہ پر گامزن ملک کو ایک بار پھر پتھر کے ور میں لے جایا جا رہا ہے۔ ان لوگوں کو تاریخ کبھی معاف نہیں کریگی۔ نیب کالا قانون ہے،عدالتوں سے انصاف ملنے کی امید ہے لیکن نیب سے کوئی امید نہیں ، تحریک انصاف جن دعوئوں کے ساتھ حکومت میں آئی وہ صرف دعوے ہی رہ گئے،تمام سیاسی جماعتیں قومی مسائل پر آواز بلند کریں