جنرل ر مشرف کو سزائے موقت سابق حکومت اورعدلیہ کی ملی بھگت کا نتیجہ ہے، کرپٹ سیاستدان پھر بھی نہیں بچ سکتے، چوہدری سلیم بوڑا

پیرس؍اسلام آباد(ایس ایم حسنین) پاکستان تحریک انصاف فرانس کے مرکزی راہنما چوہدری سلیم بوڑا نے کہا ہے کہ جنرل رپرویز مشرف  کوسزائے موت سابقہ حکومت اورعدلیہ کی ملی بھگت کا نتیجہ ہے، کرپٹ سیاستدانوں نے احتساب سے بچنے کیلئے اٹھارھویں ترمیم کو بطور ڈھال استعمال کیا۔

انہوں نے کہاکہ پاک فوج واحد ادارہ ہے جو پوری دنیا میں نمبر ون ہے عالمی اسٹیبلشمنٹ اور پاکستان دشمن قوتوں کی ایما پر پاک فوج اوراداروں کو جان بوجھ کر کرپٹ سیاستدان نشانہ بنا رہے ہیں۔

فوج کی خدمات ناقابل فراموش ہیں اس پر تنقید کرنے والے ملک دشمن قوتوں کے ہاتھوں میں کھیل رہے ہیں،شہداء قوم کے ماتھے کا جھومر ہیں ان کی قربانیاں رائیگاں نہیں جائیں گی،پاک فوج اور جنرل ر مشرف نے ملک میں قیام امن کے لئے بے مثال قربانیاں دی ہیں، پاک فوج کی قربانیاں قابل تحسین ہیں،افواج پاکستان نے شب وروز محنت سے وطن کو امن کا گہوارہ بنایا ہے ، افواج پاکستان قوم کا سرمایہ ہیں جنہوں نے دہشت گردی کے خاتمے کے لئے بے شمار قربانیاں دیں۔

انہوں نے مزید کہاکہ پاک فوج نے ہمیشہ پاکستان کے لئے ناقابل فراموش قربانیاں اور خدمات سر انجام دی ہیں،پاک فوج کے سپاہی کے ساتھ جنرل تک،قربانیوں کی ایک لازوال داستان رقم ہے، قوم دہشت گردی کے خلاف کامیابی سے لڑنے پر پاک فوج سمیت تمام سیکیورٹی فورسز کی قربانیوں کی معترف ہے ،افواج پاکستان اور قانون نافذ کرنے والے تمام اداروں کے ہیروز کو سلام پیش کر تے ہیں۔