Chaudhry Mohammad Ilyas

سرائے عالمگیر(نمائندہ خصوصی)وقت ثابت کر رہا ہے کہ تحریک انصاف کو 2013ء کے جنرل الیکشن میں ریکارڈ ووٹ ملے اور عوام نے صحیح معنوں میں ملک سے کرپشن اور فرسودہ نظام کے خلاف عمران خان کا بھرپور ساتھ دیا ان خیالات کا اظہار سابق ضلعی صدر و آرگنائزر تحریک انصاف حلقہ این اے107چوہدری محمد الیاس نے اپنی رہائش گاہ پر اہلیان حلقہ کے وفود سے گفتگو کر تے ہوئے کیا انھوں نے کہا کہ ایم کیو ایم کے سابق مئیر کراچی مصطفی کمال اور انیس قائم خانی نے بھی تحریک انصاف کے عوامی مینڈیٹ کو تسلیم کیا اور انھوں نے کراچی کی بات کی جہاں پر ایم کیو ایم کا مکمل ہولڈ ہے اگر وہاں سے تحریک انصاف ساڈھے آٹھ لاکھ ووٹ حاصل کر سکتی ہے تو ملک بھر میں اس سے کہیں زیادہ تعداد میں ووٹ حاصل کیے مگر نادیدہ قوتوں نے تحریک انصاف کا عوامی میڈیٹ چوری کر کے ملک ایسے سیاستدانوں کے حوالے کر دیا جو1985سے پنجاب اور وفاق میں حکمرانی کر رہے ہیں جنھوں نے آج ملک کو معاشی بدحالی میں تبدیل کر دیا چوہدری محمد الیاس نے مزید کہا کہ انشاء اللہ آئندہ ملک بھر سمیت آنیوالے آزاد کشمیر کے انتخابات میں تحریک انصاف بھرپور کامیابی حاصل کر ئے گی۔