اسلام آباد(رپورٹ: اصغرعلی مبارک سے)چین کے معاون وزیر خارجہ مسٹر کونگ زوآن یو کی وزیر خارجہ مخدوم شاہ محمود قریشی سے ملاقات ہوئی ملاقات کے دوران علاقائی سیکورٹی سمیت باہمی دلچسپی کے امور پر تبادلہ خیال کیا گیا۔
وزیرخارجہ شاہ محمودقریشی نےکہاکہ چین کے ساتھ دوستی پاکستان کی خارجہ پالیسی کا اہم ستون ہے ۔خطے کو درپیش مسائل کے حل اور دو طرفہ تعلقات کو مزید فروغ دینے کے لیے مشترکہ کاوشیں بروئے کار لانے پر اتفاق کیاگیاہےوزیر خارجہ مخدوم شاہ محمود قریشی کی طرف سے پاک چین وزرائے خارجہ سٹریٹیجک مذاکرات پر اطمینان کا اظہار کیا انہوں نےکہاکہ بہترین اور دیرپا نتائج کے حصول کے لیے سی پیک منصوبوں کے معاشرتی اور اقتصادی پہلوؤں پر خصوصی توجہ مرکوز کی جائے گی چینی وزیر اعظم کے وژن کے مطابق پاکستان کی معاشی و معاشرتی ترقی اور غریت کے خاتمے کے لئے پاکستان کے ساتھ بھرپور تعاون کے لئے پر عزم ہیں ۔وزیر خارجہ مخدوم شاہ محمود قریشی نے کابل میں ہونے والے دوسرے سہ رکنی پاکستان، چین افغانستان مذاکرات میں اپنی شرکت کی بابت آگاہ کیاافغانستان میں امن و استحکام کے لئے چین کی کاوشیں قابل تحسین ہیں
