Christians are celebrating Christmas today around the world including Pakistan

دنیا بھر میں مسیحی آج کرسمس منا رہے ہیں،مختلف ممالک کی طرح پاکستان میں بھی کرسمس کے رنگ نرالے ، کہیں لال رنگ بکھرا ہوا تو کہیں تحفے تحائف کی بہارآئی،کرسمس ٹری ہو یا گھر کی ڈیکوریشن خوشی کے رنگ نمایاں ہیں۔

اس دن کی مناسبت سے گرجا گھروں میں بھی کئی انداز دیکھنے کو ملتے ہیں، حضرت مریم کی داستاں بیان کرتے ماڈلز بھی اس دن کی تیاریوں کا اہم حصہ ہیں،خصوصی دعاوں اور سروسز کا اہتمام بھی کرسمس کا خاصا ہے،ملک و قوم کی سلامتی اور خوشحالی کی دعائیں بھی لازم ہے۔ویٹی کن سٹی میں کرسمس کی مرکزی تقریب کا انعقاد کیا گیا ،کیتھولک عیسائیوں کے روحانی پیشوا پوپ فرانسس کا بچوں اور خصوصا جنگ سے متاثرہ بچوں کے ساتھ شفقت سے پیش آنے پر زوردیا ۔پوپ فرانسس نےمزید کہا کہ ایسے بچوں کی بھوک مٹانے کی کسی کو پروا نہیں ان کے ہاتھوں میں کھلونوں کے بجائے ہتھیار ہیں۔