CM second day

ننکانہ صاحب(زاہد اعوان)وزیر اعلیٰ پنجاب دوسرے دن بھی ننکانہ صاحب تشریف نہ لاسکے ، وزیر اعلیٰ پنجاب میاں شہباز شریف کی متوقع آمد کے پیش نظر سیکیورٹی کے فول پروف انتظامات کیے گئے تھے۔ تفصیلات کے مطابق وزیر اعلیٰ پنجاب میاں شہباز شریف اپنے شیڈول کے مطابق دوسرے دن بھی ننکانہ صاحب تشریف نہ لاسکے جبکہ انتظامیہ کی طرف سے سیکیورٹی کے فول پروف انتظامات دھرے کے دھرے رہ گئے سیکیورٹی اہلکار انتظامیہ ، ٹی ایم اے کے اہلکاروں صبح و سویرے بغیر ناشتہ کیے ہوئے اپنی ڈیوٹیاں سر انجام دینے کیلئے پہنچ گئے تھے ضلعی انتظامیہ کے آفیسرز بھی سارا دن وزیرا علیٰ کے انتظار میں ہاکی اسٹیڈیم کھڑے رہے با لا آخر دوپہر 1:00بجے کے قریب اطلاع ملی کہ وزیرا علیٰ کا دورہ ننکانہ منسوخ ہوگیا ہے دورہ منسوخی کی خبر سنتے ہی کئی آفیسروں نے اللہ کا شکر ادا کیا کہ جان بچ گئی جو اہلکار سیکیورٹی ڈیوٹی پر معمور تھے انہوں نے اپنے خیالات کا اظہار کچھ اس طرح سے کیا کہ میاں صاحب تشریف لے آتے تو ہماری جان بھی چھوٹ جاتی ہماری دو دن سے دوڑیں لگی ہوئی ہیں