Delighted to meet Bux Chandio jet title

مشیر اطلاعات سندھ مولا بخش چانڈیو مولا جٹ کا نام ملنے پر خوش ہو گئے، کہتے ہیں کسی نے سلطان راہی سے ملایا تو کسی نے مصطفیٰ قریشی سے، کسی بھی طریقے سے کیا لیکن تذکرہ تو کیا۔حیدر آباد: (یس اُردو) فلمی مولا جٹ کے بعد سیاسی مولا جٹ یعنی مولا بخش چانڈیو کی ان دنوں ہر طرف دھوم مچی ہے۔ مشیر اطلاعات سندھ مولا بخش چانڈیو فلمی القابات ملنے پر خوش ہو گئے۔حیدر آباد پریس کلب میں مشیر اطلاعات سندھ نے سیاسی باتوں کے ساتھ ساتھ کچھ دل کی باتیں بھی کیں اور فلمی کریکٹر ملنے پر خوشی کا اظہار کیا۔مولا بخش چانڈیو کو کسی نے سلطان راہی سے ملایا تو کسی نے مصطفیٰ قریشی سے، ان کے فلمی نام رکھے جا رہے ہیں مگر وہ یہ سب سن کر بہت خوش ہیں اور کہتے ہیں کہ کسی بھی طرح سہی، ان کا تذکرہ تو ہوا۔ہونٹوں پہ کبھی ان کے مرا نام بھی آئےآئے تو سہی برسرِ الزام بھی آئے
وفاق سے ناراضی کا اظہار کرنے والے مولا بخش چانڈیو مولا جٹ کا خطاب ملنے پر خوشی کا اظہار تو کیا لیکن ساتھ ہی اس خوشی میں شکوہ بھی چھپا نظر آیا۔