Division of Water and Power

اسلام آباد…… وزارت منصوبہ بندی و ترقیات نے رواں مالی سال 2015-16ءکے سرکاری شعبہ کے ترقیاتی پروگراموں میں پانی و بجلی ڈویژن کے ترقیاتی منصوبوں کے لئے مجموعی طور پر 75 ارب 44 کروڑ 42 لاکھ روپے سے زائد کے فنڈز جاری کر دیئے۔
حکومت نے رواں مالی سال میں پانی و بجلی ڈویژن کے ترقیاتی منصوبوں کے لئے 1 کھرب 44 ارب سے زائد کے فنڈز مختص کئے ہیں۔ پلاننگ کمیشن کے جاری کردہ اعداد و شمار کے مطابق حکومت نے دیامر بھاشا ڈیم کی اراضی کی خریداری کے لئے 7 ارب، بلوکی میں 1200 میگاواٹ ایل این جی پاور پلانٹ کے لئے 14 ارب 16 کروڑ، حویلی بہادر شاہ میں 1200 میگاواٹ ایل این جی پاور پلانٹ کے لئے 21 ارب 97 کروڑ، جامشورو میں 33 کے وی ٹرانسمیشن لائن کے لئے 9 کروڑ روپے جاری کئے گئے ہیں۔بلوچستان میں 100 اسمال ڈیموں کی تعمیر کے لئے 20 کروڑ، سندھ میں اسمال اسٹوریج ڈیمز کے لئے 45 کروڑ، دراوٹ ڈیم کے لئے40 کروڑ روپے سمیت مختلف ترقیاتی منصوبوں کے لئے فنڈز جاری کر دیئے ہیں۔