لاس اینجلس: نفرت انگیز انتخابی مہم ڈونلڈ ٹرمپ کے گلے پڑ گئی ، لاس اینجلس میں ان کا واک آف فیم میں نصب ستارہ پاش پاش کر دیا گیا ۔ کیلیفورنیا میں ٹرمپ سے منسوب قبرستان تعمیر ہوگیا ۔ نت نئے سکینڈل متنازعہ بیانات اور آوارہ مزاجی ، ڈونلڈ ٹرمپ اب،لوگوں کی نفرت کا نشانہ بننے لگے ہیں ۔ لاس اینجلس میں ایک شخص نے ہالی وڈ کے واک آف فیم میں ڈونلڈ ٹرمپ کا ستارہ ہتھوڑے سے ٹکڑے ٹکڑے کر دیا ۔ اس سے پہلے ڈونلڈ ٹرمپ کے میکسیکو اور امریکا کے درمیان دیوار کے اعلان کے بعد ستارے کے گرد احتجاجاَ ایک چھوٹی دیوار بھی تعمیر کی گئی تھی ۔ ادھر کیلیفورنیا کی رہائشی خاتون نے اپنے باغیچے کو ،ٹرمپ ہالوین میں بدل دیا ۔ خاتون کا کہنا ہے کہ جب بھی ٹرمپ کوئی متنازعہ بیان دیتے ہیں وہ یہاں ایک ڈھانچے یا پھر ایک قبر کا اضافہ کر دیتی ہیں ۔