DPO Gujrat, Chaudhry Tanveer Ashraf

کھاریاں(نیئر صدیقی سے) تحصیل کھاریاں کے معروف مویشی منڈیوں کے ٹھیکیدار اور نو منتخب چیئرمین یونین کونسل خواص پور چوہدری تنویر اشرف نے گزشتہ روز ڈی پی او گجرات رائے ضمیر الحق کو سی پی ایل سی پولیس ویلفیئر ہسپتال کیلئے دس لاکھ روپے کا عطیہ دیا۔ اس موقع پر چیئر مین سی پی ایل سی چوہدری اختر علی ، فنانس سیکرٹری چوہدری افتخار احمد اور سیکرٹری انفارمیشن لیاقت علی قادری اور ایگزیکٹو ممبر ملک شہباز احمد بھی موجود تھے۔ اس موقع پر ڈی پی او گجرات رائے ضمیر الحق نے کہا کہ ضلع گجرات کے لوگ واقع ہی اپنی مثال خود قائم کرتے ہیں۔ جس کی زندہ مثال گجرات میں سی پی ایل سی پولیس ویلفیئر ہسپتال کا قیام ہے جس کیلئے سی پی ایل سی کے ممبران اور مخیر حضرات نے تین کروڑ روپیہ اکٹھا کر کے ایک مثال قائم کر دی۔ سی پی ایل سی پولیس ویلفیئر ہسپتال پنجاب بھر میں ایک رول ماڈل ہسپتال ہو ا جس میں پولیس کے شہداء کی فیملی اور پولیس ملازمین کو معیاری اور فوری طبی سہولتیں حاصل ہوں گی۔ میری یہ خواہش ہے کہ ریٹائر ڈ ہونے سے پہلے پولیس ویلفیئر ہسپتال کا افتتاح کر کے جاؤں۔ جس کیلئے مجھے سی پی ایل سی کے چیئرمین چوہدری اختر علی اور ضلع گجرات کے پولیس دوست ساتھیوں کی ضرورت ہے۔