horror film trailer released

نیویارک…….خوف اور دہشت ناک واقعات کی عکاسی کرتی نئی ہالی وڈ کرائم ڈرامہ ہارر فلم گرین روم کا پہلا ٹریلر جاری کر دیاگیا ہے۔
ہدایتکارجیریمی سولونیئر کی اس فلم کی کہانی ایک ایسے راک بینڈ کے گِرد گھوم رہی ہے جن کے کنسرٹ کے دوران قتل کی ایک وحشیانہ واردات ہوتی ہے جس کے نتیجے میں بینڈ کے نوجوان موسیقار بری طرح سے پھنس جاتے ہیں۔انیش سیوجانی ، نیل کوپ اور وِکٹر موئر کے مشترکہ پروڈکشن میں بننے والی اس فلم میں نامور ہالی وڈ اداکار پیٹرک اسٹیورٹ اہم کردار میں جلوہ گر ہو رہے ہیں جن کے علاوہ فلم کی دیگر کاسٹ میں اینٹن یلچن، ایموگن پوٹس، عالیہ شوکت اورکیلم ٹرنر شامل ہیں۔دہشت زدہ کر دینے والے مناظر سے بھرپور اس کرائم ڈرامہ ہارر فلم کو رواں سال یکم اپریل کو سنیماگھروں میں نمائش کیلئے پیش کر دیا جائیگا۔