ڈی جی آئی ایس پی آر میجر جنرل آصف غفور کا کہنا ہے کہ پورے پاکستان کے عوام برابر ہیں اور ہرجگہ کی سیکورٹی ہمارے لیے برابر اہمیت رکھتی ہے۔

Everywhere the security is important for us, Asif Ghafoor

پارا چنار میں میڈیا سے گفتگو کی کرتے ہوئے میجر جنرل آصف غفور نے بتایا کہ پاراچنارکے لیے سیف سٹی پراجیکٹ پرکام شروع کردیاگیا ہے اور شہر کو محفوظ بنانے کے لیے پاک فوج کے دستے یہاں پہنچ رہے ہیں۔ انہوں نے بتایا کہ پاک فوج افغان سرحد سمیت ملک بھر میں قیام امن کے لئے اقدامات کررہی ہے۔ انہوں نے مزید کہا کہ ہم کسی بھی فرقے سے بالاتر صرف پاکستانی اور مسلمان ہیں۔ آصف غفور نے کہا کہ پاکستان سے دہشت گردی کے عفریت کو ختم کرنے کیلئے مل کرکوششیں کرنے کی ضرورت ہے۔ اس سے قبل وہ آج آرمی چیف جنرل قمرجاوید باجوہ کے ہمراہ پارہ چنار پہنچے جہاں وہ قبائلی عمائدین اور دھماکوں کے خلاف دھرنا دینے والوں سے ملاقات بھی کریں گے۔