husband and 4-year-

بھارتی ریاست اتر پردیش کے علاقے گورکھ پور میں ایک خاتون نے اپنے فیس بُک فرینڈ کو پانے کیلئے اپنے شوہر اور 4 سالہ بیٹے کو موت کے گھاٹ اتار دیا۔
گورکھ پور: (یس اُردو ڈیسک) بھارتی میڈیا رپورٹس کے مطابق فیس بُک فرینڈ کے پیار میں پاگل اس خاتون نے شوہر اور اپنے ہی بیٹے کو قتل کرنے کیلئے ہتھوڑے کا استعمال کیا جبکہ اس کام میں اس کے پریمی نے اس کا ساتھ دیا تھا۔ پولیس نے دونوں کو گرفتار کرکے قتل میں استعمال ہونے والا اوزار بھی قبضے میں لے لیا ہے۔ بھارتی میڈیا کے مطابق اوم پرکاش اور ارچنا کی شادی 2009ء میں ہوئی تھی اور دونوں کا ایک چار سال کا بیٹا بھی تھا۔ دونوں کی زندگی ہنسی خوشی بسر ہو رہی تھی کہ گزشتہ سال ارچنا کا فیروز آباد کے رہائشی اجے یاددو سے فیس بُک پر دوستی ہو گئی۔ اجے یاددو پیشے کے اعتبار سے ٹیچر ہے۔ جلد ہی یہ دوستی محبت میں بدل گئی اور اجے کا ارچنا کے گھر آنا جانا شروع ہو گیا۔ پولیس کے مطابق دونوں کے رشتے کے بارے میں اس کے شوہر کو کانوں کان خبر نہیں تھی۔ ملزم ایک دوسرے کے پیار میں اس قدر پاگل ہو گئے کہ دونوں نے گھر سے بھاگ جانے کا پروگرام بنا لیا اور پھر 20 جنوری کی رات دونوں نے مل کر واردات کو انجام دیا۔ پولیس نے ملزموں کی گرفتاری کیلئے ایک پختہ پلان بنایا جس میں اسے کامیابی ملی۔پولیس حکام کا پریس کانفرنس میں کہنا تھا کہ 21 جنوری کی صبح ہمیں اطلاع ملی کہ شاہ پور تھانہ کی حدود میں واقع ایک گھر میں ایک شخص اور ایک بچے کی لاشیں ملی ہیں۔ پولیس واقعہ کی اطلاع ملتے ہی موقع واردات پر پہنچی۔ پولیس حکام نے بتایا کہ ابتدائی تفتیش میں ہی پتا چل گیا تھا کہ مقتول اوم پرکاش کو قتل کرنے کیلئے سر پر ہتھوڑے سے ضربیں لگائی گئی تھیں جبکہ 4 سالہ شیوا کا گلا بھی گھونٹا گیا تھا۔ ۔ شوہراور بیٹے کو قتل کرنے کے بعد دونوں بھاگ نکلے لیکن پولیس نے انہیں پکڑ لیا۔ملزم اجے یاددو کا بھارتی میڈیا کے سامنے اپنا جرم تسلیم کرتے ہوئے کہنا تھا کہ وہ اور ارچنا ایک دوسرے سے محبت کرتے تھے اور شادی کرنا چاہتے تھے۔ تاہم اس کا کہنا تھا کہ اپنے شوہر اوم پرکاش اور بیٹے کو قتل کرنے کی پلاننگ ارچنا نے بنائی تھی۔ ملزم اجے یاددو نے تسلیم کیا ان دونوں نے مل کر ہی قتل کئے تھے۔