لاہور( مانیٹرنگ ڈیسک) وزیر اعظم عمران خان کی سابقہ اہلیہ ریحام خان گاہے بگاہے اپنے سابقہ شوہر پر بیہودہ اور نازیبا الزامات لگاتی رہتی ہیں ، سماجی رابطوں کی ویب سائٹ ٹوئٹر ہو یا پھر یو ٹیوب پر انکا آفیشل چینل، آئے روز وہ مختلف انواع کی ویڈیوز اور پیغام جاری کرتی رہتی ہیں جس میں وہ عمران خان اور انکی کابینہ پر الزامات لگاتی ہیں، ابھی کچھ دیر قبل ہی سماجی رابطوں کی ویب سائٹ ٹوئٹر پر ریحام خان نے پیغام چھوڑا کہ ’’ سلیکٹڈ کشمیر کیا بچائے گا یہ تو پاکستان کو بھی تباہ کرنے پر تلا ہوا ہے‘‘۔

ریحام کا یہ پیغام دیکھ کر سینئر اینکر پرسن عمران خان بھی میدان میں آگئے اور وزیر اعظم کی سابقہ اہلیہ کو کرارا جواب دے ڈالا، ریحام خان کے ٹویٹ کو ری ٹویٹ کرتے ہوئے عمران خان نے لکھا کہ ’’ آپکے لیے عمران خان کو بھولنا مشکل ہے شائد اسی لیے تقریبا تمام پیغامات میں انکا تذکرہ لازمی ہوتا ہے۔ اللہ صبر عطا فرمائے‘‘۔

خیال رہے کہ ریحام خان آئے روز اس طرح کے ٹویٹ کرتی رہتی ہیں جس پر کبھی پاکستانی عوام، کبھی سیاسی شخصیات، کبھی صحافتی  حضرات اور کبھی عمران خان کی بین الاقوامی فین فالونگ کے ہاتھوں ریحام خان کی درگت بنتی رہتی ہے.