پی ٹی آئی کے دوبڑوں کی جنگ میں ایم ڈی پی ٹی وی ہار گئے، مشیر وزیراعظم نعیم الحق اور وزیراطلاعات فواد چوہدری کے اختلافات مین بظاہر وزیراطلاعات کی پہلی فتح

اسلام آباد( مانیٹرنگ رپورٹ) پاکستان ٹیلی وژن (پی ٹی وی) کارپوریشن کے منیجنگ ڈائریکٹر ارشد خان کو عہدے سے برطرف کردیا گیا۔وزارت اطلاعات و نشریات کی جانب سے جاری ہونے والے نوٹی فکیشن کے مطابق پی ٹی وی کے ڈائریکٹر ایڈمن حسان عماد محمدی کو منیجنگ ڈائریکٹر کی غیر موجودگی میں انتظامات سنبھالنے کی ہدایت کی گئی۔

واضح رہے کہ  وزیر اعظم عمران خان کے معاون خصوصی نعیم الحق اور وزیر اطلاعات فواد چودھری کے درمیان پی ٹی وی انتظامی معاملات پراختلافات شدت اختیار کیے ہوئے ہیں،وزیر اطلاعات نے پی ٹی وی ایم ڈی کیخلاف کارروائی نہ ہونے پر وزارت سے مستعفی ہونے کا عندیہ دیدیا تھا ۔وزیر اطلاعات و نشریات فواد چودھری نے   ایم ڈی پی ٹی وی ارشد حسین کیخلاف کارروائی کیلئے آئی جی اسلام آباد کو خط لکھا کہ سرکاری ٹی وی اکاؤنٹ سے48 لاکھ روپے کی مبینہ منتقلی ہوئی ہے ۔

اس سے پہلے فواد چوہدری اور نعیم الحق میں ٹویٹر پر ہونے والی بیان بازی نے بھی ان خبروں کو تقویت دی ہے۔ جس میں نعیم الحق نے کہا تھا کہ وزیر اعظم عمران خان کو پی ٹی وی کی انتظامیہ اور بورڈ پر مکمل اعتماد ہے اور وزیر اعظم عمران خان پی ٹی وی کو بی بی سی کی طرز پر آزاد اور خود مختار بنانا چاہتے ہیں اور حکومت اس حوالے سے ہر ممکن قدم اٹھائے گی،نعیم الحق نے کہا کہ پارٹی کے آئین کو سب کو فالو کرنا پڑے گا جو بھی خلاف ورزی کرے گا اس کا پارٹی میں کوئی مستقبل نہیں۔جس پر فواد چودھری کو نعیم الحق کی پی ٹی وی میں مداخلت پسند نہ آئی اور ان کے خلاف ٹوئیٹ پر تبصرہ کرتے ہوئے مرزا غالب کا ایک شعر پوسٹ کیا