Ferozewala: Heritage coincidence protest on non-recovery of three allegedly abducted girls

فیروزوالہ: فیروزوالہ کے علاقے کوٹ عبدالمالک سے مبینہ طور پر اغواء کی گئی تین لڑکیوں کی عدم بازیابی کیخلاف ورثا نے احتجاج کرتے ہوئے لاہور شیخوپورہ روڈ بلاک کر دی۔

ورثا کا کہنا ہے کہ تینوں لڑکیاں کوٹ عبدالمالک سے لاہور شادی کی تقریب میں شرکت کے لئے گئی تھیں، شادی کی تقریب سے واپسی پر لڑکیوں کو نا معلوم افراد نے اغواء کر لیا، مغویوں میں لبنی، مہوش اور رابعہ شامل ہیں۔ تھانہ فیکٹری ایریا میں ملزموں کیخلاف تین مقدمات درج کر لیے گئے، لڑکیوں کی عدم بازیابی اور ملزموں کی عدم گرفتاری کیخلاف ورثا اور علاقوں مکینوں نے ٹائر جلا کر لاہور شیخوپورہ روڈ بلاک کر دی۔ احتجاج کے باعث گاڑیوں کی قطاریں لگ گئیں، پولیس کا کہنا ہے واقعہ کی تحقیقات کر رہے ہیں جلد ملزموں کو گرفتار کرلیں گے۔