Firing In Karachi, killing one person
کراچی کے علاقے شادمان ٹاؤن میں نامعلوم افراد کی فائرنگ سے ایک شخص جاں بحق ہوگیا ۔پولیس اور قانون نافذ کرنے والے اہلکاروں نے کارروائی کرکے 6ملزمان کو گرفتار کرلیا۔
شادمان ٹاؤن نمبر 2میں نامعلوم افراد نے فائرنگ کرکے ایک شخص کو ہلاک کردیا ۔مقتول کی شناخت اعجاز کے نام سے ہوئی۔ پولیس نے لاش ضابطے کی کارروائی کے لئے عباسی شہید اسپتال منتقل کردی ۔ایس ایس پی وسطی کے مطابق واقعہ ابتدائی طور پر طور پر ڈکیتی میں مزاحمت کا لگتا ہے۔اس کے علاوہ پولیس نے لیاری کے علاقےشاہ بیگ لین ، نیا آباد، کھڈا مارکیٹ میں کارروائی کرکے گینگ وار کے 2ملزمان قاسم سندھی اور پیر عرف پیرو کو گرفتار کرلیا۔ملزمان قتل، بھتے اور اغوا برائے تاوان کی وارداتوں میں ملو ث ہیں۔سولجر بازار میں قانون نافذ کرنے والے اداروں نے کارروائی کرکےمنشیات فروش سیف علی کو گرفتار کرکے منشیات اوراسلحہ برآمد کرلیا۔اتحادٹاؤن سے اسٹریٹ کرائم کی وارداتوں میں ملوث ملزم کو مقابلے کے زخمی حالت میں گرفتار کرلیا گیا ۔نیوکراچی خمیسو گوٹھ میں بھی پولیس نے کارروائی کر کے 2منشیات فروشوں کو گرفتار کرلیا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
