food shortages

طوفانی بارشوں اور سیلاب کے بعد سری لنکا میں امدادی کارروائیاں جاری ہیں، ہزاروں افراد گھروں کی چھتوں پر محصور ہیں جبکہ کھانے پینے کی اشیاء کی بھی شدید قلت پیدا ہو گئی ہے۔
کولمبو: (یس اُردو) سری لنکا گزشتہ کئی روز سے قدرتی آفت کے سامنے بے بسی کی منہ بولتی تصویر بنا ہوا ہے۔ مقامی حکام کے مطابق، 25 سال کے دوران آنے والا یہ بدترین سیلاب ہے۔ سیلاب کے باعث 4 لاکھ افراد گھروں سے نقل مکانی کر چکے ہیں جن میں سے 2 لاکھ کا تعلق دارالحکومت کولمبو سے ہے۔ آفت زدہ علاقوں میں ہزاروں افراد گھروں کی چھتوں پر محصور ہیں۔ خوراک کی قلت دور کرنے کیلئے محصورین تک کھانے پینے کی اشیاء کشتیوں کے ذریعے پہنچائی جا رہی ہیں۔
تباہ حال علاقوں میں امدادی کارروائیاں جاری ہیں۔ سری لنکن فوج ریسکیو آپریشن میں بھرپور حصہ لے رہی ہے۔ سیلاب اور لینڈ سلائیڈنگ کے باعث 71 افراد ہلاک ہو چکے ہیں جبکہ 127 تاحال لاپتہ ہیں۔