چترال:آل پاکستان مسلم لیگ کے سربراہ اور سابق صدر و آرمی چیف پرویز مشرف کے این اے ایک چترال سے کاغذات نامزدگی کو مسترد کردیا گیا ہے۔تفصیلات کے مطابق سابق صدر پرویز مشرف کی جانب سے این اے ون چترال کے لیے کاغذات نامزدگی جمع کرائے گئے تھے، جسے ریٹرننگ آفیسر محمدخان نے مسترد کئے، جب کہ اے پی ایم ایل کے سیکرٹری جنرل ڈاکٹر امجد کے کاغذات نامزدگی این اے 1 کیلئے منظور کرلیے گئے ہیں۔

بعد ازاں میڈیا سے گفتگو کرتے ہوئے آل پاکستان مسلم لیگ کے سیکرٹری جنرل ڈاکٹر امجد نے کہا کہ پرویز مشرف نااہل ہونے کی وجہ سے الیکشن میں حصہ نہیں لے سکیں گے تاہم ہم انتخابات میں بھرپور حصہ لیں گے اور اس بار کوئی بائیکاٹ نہیں ہوگا۔ڈاکٹر امجد کا کہنا تھا کہ پرویز مشرف واپس آنا چاہتے تھے مگر راہ میں رکاوٹ پیدا کی جا رہی ہے، پرویز مشرف کا شناختی کارڈ اور پاسپورٹ بلاک کردیا جاتا ہے تاہم پرویز مشرف انتخابات سے قبل ملک واپس آسکتے ہیں۔

واضح رہے کہ پرویز مشرف نے سپریم کورٹ میں اپنی تاحیات نااہلی کے خلاف اپیل دائر کی ہے جس کی سماعت کے دوران سپریم کورٹ نے انہیں 13 جون کو لاہور طلب کرتے ہوئے الیکشن لڑنے کی اجازت دی تھی،تاہم سابق آرمی چیف عدالت کے روبرو پیش نہ ہوئے جس پر سپریم کورٹ نے انتخابات میں حصہ لینے کی اجازت کا حکم واپس لے لیا۔

یاد رہے کہ سابق صدر پرویز مشرف نے این اے 247 کراچی سے بھی سے کاغذات نامزدگی جمع کرارکھے ہیں ،پرویز مشرف کے کاغذات نامزدگی پیر زبیر احمد نے جمع کرائے ہیں، اس نشست پر ڈاکٹر فاروق ستار، عارف علوی، مصطفیٰ کمال، عزیز میمن اور دیگر امیدوار موجود