Fourth amendment for personal gain, Qureshi

پاکستان تحریک انصاف کے نائب صدر شاہ محمود قریشی نے کہا ہےکہ 24 ویں ترمیم کا بل عوام کے لیے نہیں ذاتی مفاد کے لیے لایا جارہا ہے ۔شاہ محمود قریشی سندھ کے دو روزہ دورے پر کراچی پہنچے، جہاں پر میڈیا سے گفتگو کرتے ہوئے ان کا کہنا تھاکہ 24 ویں آئینی ترمیم کے پیچھے سیاست مقاصد ہیں، پاناما لیکس میں ن لیگ کا مقدمہ کمزور ہے اور راستہ نکالنے کی کوشش کی جارہی ہے ۔ان کا کہنا تھاکہ معاملے کو طول دینے کے لیے حربے استعمال کیے جارہے ہیں، احتساب بل میں ہم ایوان کے اندر اور باہر حکومت کی مخالفت کریںگے، حکومت کو 24 ویں ترمیم واپس لینا ہوگی وہ عوام کے لیے نہیں صرف ذاتی ہے ۔شاہ محمود قریشی نے کہا کہ لائن آف کنٹرول پر بھارت سیاست کررہا ہے حکومت کہاں ہے اور کیوں خاموش ہے ۔ ن کا کہنا تھاکہ کشمیر پر حکومت کی کوئی پالیسی نہیں ہے حکومت تمام معاملات میں مکمل طور پر ناکام ہوچکی ہے ۔