اسلام آباد(ویب ڈیسک)سپریم کورٹ آف پاکستان نے پیپلزپارٹی دور میں سرکاری ملازمین کی نوکریوں پر بحالی کے معاملے پر تمام اپیلوں کو نومبر میں اکٹھا سماعت کیلئے مقرر کرنے کا حکم دے دیا جسٹس گلزار احمد نے ریمارکس دیتے ہوئے کہا کہ ٹیکس پیئرکے پیسوں کا کسی کو درد نہیں، جس کا دل چاہتا ہے

پیسہ بےدردی سے اڑا دیتا ہے۔ تفصیلات کے مطابق سپریم کورٹ میں پیپلزپارٹی دورمیں سرکاری ملازمین کی نوکریوں پربحالی کے معاملے پر سماعت ہوئی،جسٹس گلزار احمد کی سربراہی میں 2 رکنی بنچ نے سماعت کی،عدالت نے تمام اپیلوں کونومبرمیں اکٹھا سماعت کیلئے مقررکرنےکا حکم دے دیا، جسٹس گلزار احمد نے ریمارکس دیتے ہوئے کہا کہ لوگوں نے ملک کوذاتی جائیداد سمجھ رکھا ہے،برطرف ملازمین ایک روزکیلئے بحال کرکے مراعات دےدی گئیں،جسٹس گلزار احمد نے کہا کہ کیا قومی خزانہ چیئرٹی فارم ہے؟ٹیکس پیئرکے پیسوں کا کسی کو درد نہیں، جس کا دل چاہتا ہے پیسہ بےدردی سے اڑا دیتا ہے۔