اسلام آباد: انسداد دہشت گردی کی عدالت نے پرویز مشرف کو وطن واپسی کے لیے فول پروف سیکیورٹی فراہم کرنے کی درخواست سماعت کے لیے منظور کرلی۔
Gen Pervez Musharraf wants to return if provided foolproof security
انسداد دہشت گردی عدالت اسلام آباد کے جج سہیل اکرام کی سربراہی میں ججز نظربندی کیس کی سماعت ہوئی جس میں سابق صدر کے وکیل کی جانب سے پرویز مشرف کو وطن واپسی پر فول پروف سیکورٹی دینے کی درخواست دائر کی گئی، جس میں کہا گیا ہے کہ پرویز مشرف وطن واپس آنا چاہتے ہیں لہذا ان کی سیکیورٹی کے لیے انتظامات مکمل کیے جائیں۔عدالت نے پرویز مشرف کی وطن واپسی پر فول پروف سیکورٹی دینے کی درخواست منظور کرتے ہوئے آئندہ سماعت پر سیکرٹری داخلہ اور آئی جی اسلام آباد کو سابق صدر کی سیکورٹی یقینی بنانے کا حکم دیا جب کہ پراسیکیوٹر کا کہنا تھا کہ وزارت داخلہ پہلے ہی پرویز مشرف کی سیکیورٹی کی یقین دہانی کرا چکی ہے۔عدالت نے پرویز مشرف کو 9 فروری تک عدالت میں پیش ہونے کا حکم دیتے ہوئے کہا کہ اگر آیندہ سماعت پر بھی پرویز مشرف عدالت میں پیش نہ ہوئے تو پھر انہیں اشتہاری قرار دیا جائے گا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
