GEPCO Rural

لالہ موسیٰ(عدیل بٹ ) دیہی علاقے کے رہائشیوں کا گیپکو رورل سب ڈویژن لالہ موسیٰ کے خلاف احتجاج۔ تفصیلات کے مطابق رورل سب ڈویژن کے گاؤں مڈہیر،کوٹلہ قاسم سمیت تین ٹرانسفارمر گزشتہ روز خراب ہو گئے بجلی کی مسلسل بندش سے پریشان مڈہیر کے رہائشی افراد رورل سب ڈویژن، گرڈ سٹیشن وہند کے سامنے پہنچ گئے اور گیپکو کے خلاف نعرے بازی کی اور الزام لگایا ہے کہ عملہ ان کی شکائیت نہیں سن رہا انھوں نے گیپکو کے اعلیٰ حکام سے بجلی کی فوری بحالی کا مطالبہ کیا ہے جب ایس ڈی او گیپکو رورل بدر اور سپر وائزر بشارت سے رابطہ کیا تو انھوں نے کہا کہ سپلائی جلد بحال کر دی جائے گی تاہم تا حال بجلی کی سپلائی تا حال بحال نہیں ہو سکی گرم موسم میں پانی کی قلت سے لوگ پریشان ہیں۔