Ghazi, a convoy

کھاریاں(نیئر صدیقی سے) تحریک لبیک یا رسول اللہ ﷺ کے زیر اہتمام آج 27مارچ کو لیاقت باغ راولپنڈی میں منعقد ہونے والی لبیک یا رسول اللہ کانفرنس اور غازی ممتاز قادری کے چہلم میں شرکت کیلئے کھاریاں کی مذہبی جماعتوں کا ایک بڑا قافلہ آج صبح 8بجے شریعت کالج سے روانہ ہو گا۔ قافلے کی قیادت ناظم شریعت کالج قاضی توقیر حسین چشتی کریں گے جبکہ عالمی تنظیم اہلسنّت، مصطفائی تحریک، انجمن طلباء اسلام، انجمن جلالیہ اورحضرت سلطان باہوؒ ٹرسٹ کے کارکنان شامل ہوں گے۔ کھاریاں(نیئر صدیقی سے)کوٹلہ ارب علی خاں میں جعلی سرجن گرفتار ،فارمیسی کو سیل کر دیا گیا۔ اے سی کھاریاں میاں اقبال مظہر نے محکمہ صحت کے عملہ کے ہمراہ شافی ہسپتال اینڈ میٹرنٹی ہوم کوٹلہ پرچھاپہ مار کر عطائی ڈاکٹر خالد نسیم ملک کو گرفتار کر لیا جو کہ خود کو چائلڈ اسپیشلسٹ، فیملی فزیشن اینڈ سرجن ظاہر کر کے مریضوں کی جانوں سے کھیل رہا تھا۔ ہسپتال میں رکھی جانے والی گائناکالوجسٹ لیڈی ڈاکٹر ثمینہ رفعت بھی کوئی ڈگری یا پی ایم ڈی سی کی رجسٹریشن نہ دکھا سکی۔پولیس نے عطائی ڈاکٹر کو گرفتار کر کے تفتیش شروع کر دی ہے جبکہ اس کی فارمیسی کو بھی سیل کر دیا گیا ہے