اسپیکر قومی اسمبلی ایاز صادق کا کہنا ہے کہ حکومت اورفوج مل کر عالمی عدالت میں کلبھوشن کے خلاف کیس لڑیں گے، اس معاملے پر وہی کریں گے جو پاکستان کے مفاد میں ہوگا ۔

Government and military will fight joint case against kulbhushan, Speaker of the National Assembly

ایاز صادق نے لاہور کے علاقے رحمان پورہ کا دورہ کیا اس دوران میڈیا سے گفتگومیں انہوں نے مزید کہا کہ وزیراعظم کسی کے کہنے پر استعفیٰ نہیں دیں گے، جو لوگ فیصلہ نہیں مانتے وہ سپریم کورٹ چلےجائیں،وکلاء کا ایک ٹولہ سیاسی ہاتھوں میں کھیل رہا ہے۔

اسپیکر قومی کا کہنا ہے کہ اگرہم سیاسی بنیادوں پرخود مایوسی پھیلائیں گے تو پاکستان کو نیچا دکھائیں گے،پاکستان کلبھوشن کے معاملے پر وہی کرے گا جو پاکستان کے مفاد میں ہوگا۔ انہوں نے مزید کہا کہ نواز شریف کی حب الوطنی پر کسی کو شک نہیں ہونا چاہیے، انہیں جلاوطنی کی سزا ایٹمی دھماکا کرنے پر ملی تھی۔ ایاز صادق کا یہ بھی کہنا ہے کہ امریکی صدر ڈونلڈ ٹرمپ نے جو کہا ہے دورۂ سعودی عرب سے ثابت ہوا کہ ان کی سیاست اس سے مختلف ہے۔