گورنر سندھ محمد زبیر کا کہنا ہے کہ گرین لائن، لیاری ایکسپریس وے اور ایم نائن کی تکمیل سے کراچی کے شہریوں کو آمدورفت کی جدید ترین سہولیات فراہم ہوں گی۔
Governor Sindh inspection the work of Lyari Expressway on the North track
گورنر سندھ محمد زبیر نے لیاری ایکسپریس وے کے شمالی ٹریک کے تعمیراتی کام کا معائنہ کرتے ہوئے کہا کہ شمالی ٹریک کی تعمیر میں طویل تعطل سے شہریوں کی مشکلات میں اضافہ ہوا ہے۔ ایف ڈبلیو او کی ٹیم نے گورنر سندھ کو شمالی حصے کے تعمیراتی کام کے بارے میں بریفنگ دی۔ اس موقع پر میڈیا سے گفتگو کرتے ہوئے گورنر سندھ نے کہا کہ لیاری ایکسپریس وے کے شمالی حصے کی تکمیل سے شہریوں کو آمدو رفت کی بہترین سہولیات فراہم ہوں گی۔
گورنر سندھ کو بتایا گیا کہ ٹریک کے راستے کی تمام تجاوزات ختم کردی گئی ہیںاور لیاری ایکسپریس وےکا شمالی ٹریک اکتوبر تک ٹریفک کے لئے کھول دیا جائے گا۔ گورنر سندھ نے کہا کہ ٹرانسپورٹ کی بہتر سہولیات کراچی کے شہریوں کا بھی حق ہے۔ انہوں نے بتایا کہ وزیر اعظم جلد کراچی کے لئے ترقیاتی پیکیج کا اعلان کریں گے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
