France Honor Party
فرانس (انجم بلوچستانی) پیرس بیورو اور مرکزی آفس برلن MCBیورپ کے مطابق گزشتہ دنوں پاکستان عوامی تحریک فرانس کی جانب سے پیرس ادبی فورم کے پہلے عالمی مشاعرہ اور فرانس کی معروف شاعرہ سمن شاہ کے دوسرے شعری مجموعہ کلام” ہمیشہ تم کو چاہیں گے”کی تقریب پذیرائی میں یورپ بھر سے شرکت کے لئے آنے والے معزز شعرائے کرام،محترم جناب جمشید مسرور،ناروے؛ نمحترمہ غزل انصاری،برطانیہ؛ فرزانہ نیناں، نوٹنگھم؛راحت زاہد، گلاسگو اورشبنم خلجی کے اعزاز میںایک شاندارعشائیہ کا اہتمام کیا گیا۔
اس پر وقار تقریب کی صدارت جناب حسن میر قادری صاحب نے کی،جو ناروے سے تشریف لانے والے صدارتی ایوارڈ یافتہ شاعر جناب جمشید مسرور سے دوستی اور محبت کا رشتہ رکھتے ہیں۔ تقریب میں پیرس ادبی فورم و پاکستان عوامی تحریک وو من ونگ کی صدر معروف شاعرہ سمن شاہ ،پیرس ادبی فورم کے جنرل سیکریٹری نوجوان شاعر ایاز محمود ایاز، فرانس کے ممتاز شاعرو کالم نگار عاکف غنی، فرانس کے نوجوان شاعر آصف جاوید عاصی اور ویب سائٹ گجرات لنک کی ریذیڈنٹ ایڈیٹر ناصرہ خان کے علاوہ پاکستان عوامی تحریک ،فرانس کی مرکزی قیادت اور کارکنان موجود تھے
جنہوں نے مہمانوں کا پر جوشاستقبال کیا۔جناب حسن میرنے جمشید صاحب کا خیر مقدم کرتے ہوئے کہا کہ”پاکستان عوامی تحریک کے پلیٹ فارم پر ادب کے جگمگ کرتے ہوئے ستاروں کا جمع ہونا روشنی کی طرف اشارہ کرتا ہے ۔ہمیں ایسی محفلوں اور ادبی پروگرامز کی بھر پور حوصلہ افزائی کرنی چاہئے۔
”پاکستان عوامی تحریک فرانس کے ڈپٹی سیکریٹری جناب طاہر عباس نے مہمانوں کی آمد کا شکریہ ادا کیا اور مہمانوں سے گزارش کی کہ” وہ سانحہ ماڈل ٹاؤن کی دستخطی مہم پر اپنے اپنے احتجاج کی مہر لگائیں۔”جس پرتمام مہمانوں نے اس ظلم اور ناانصافی کے خلاف شر وع کی گئی دستخطی مہم کا ساتھ دیتے ہوئے اس فہرست پر اپنے دستخط ثبت کر کے ایک نئی تاریخ رقم کی۔
