Gujarat not to enter

محنت کش کو ڈنڈوں سے پیٹنے کے بعد رسیوں سے باندھ دیا ، استرے سے سر بھی مونڈ دیا ، بے انتہا تشدد سے محنت کش بیہوش ، حالت غیر
گجرات (افراہیم بٹ) گجرات میں بااثر زمیندارنے اونٹ کھیتوں میں داخل ہونے پر 55 سالہ غریب محنت کش کو اغواء کے بعد ڈنڈوں سوٹوں سے سرعام وحشیانہ تشدد کا نشانہ بنانے کے بعد زبردستی سر مونڈ دیا ۔ ڈھوک گجراں کے رہائشی 55 سالہ بوڑھے محنت کش لیاقت علی کا اونٹ قریبی کھیتوں میں داخل ہو گیا جس پر زمیندار الطاف نے اونٹ کی تلاش میں آنیوالے لیاقت علی کو ساتھیوں کیساتھ ملکر ڈنڈوں سوٹوں سے دو گھنٹے تک پیٹنے کے بعد باندھ دیا اور غصہ کم نہ ہونے پر نشان عبرت بنانے کے لئے اُس کا سر استرے سے مونڈ دیا ۔ ملزمان کی جانب سے تشدد کا نشانہ بننے کے بعد لیاقت علی بے ہوش ہو گیا جس پر ملزمان فرار ہو گئے اور مقامی لوگوں کی اطلاع پر لواحقین نے ہسپتال منتقل کر دیا ۔ بااثر سیاسی اثر و رسوخ رکھنے والے زمیندار کی جانب سے مبینہ طور پر علاقے چھوڑنے کی دھمکیاں دی جا رہی ہیں ۔