Gujarat’s talented

گجرات(وقاص علی سے)معروف آرٹسٹ اور دنیا نیوز ٹی وی کے پروگرام مذاق رات میں جوگی کا کردار ادا کرنے والے گجرات کے ہونہار سپوت چاند برال نے گزشتہ روز گجرات پریس کلب کا دورہ کیا دورہ کے دوران ان کے ہمراہ بابر بیگ مرزا بھی تھے گجرات پریس کلب پہنچنے پر پریس کلب کے صدر محمد انور شیخ، گروپ لیڈر حاجی عثمان طیب، سینئر نائب صدر شاکر بیگ مرزا، نائب صدر رانا رضوان ، سیکرٹری اطلاعات وقاص علی سمیت دیگر نے انکا شاندار استقبال کیا اس موقع پر چاند برال کے اعزاز میں پریس کلب گجرات میں پرتکلف ٹی پارٹی کا اہتمام بھی کیا چاند برال نے اور مرزا بابر بیگ نے گجرات پریس کلب کے صدر انور شیخ اور انکی پوری کابینہ کو کامیابی پر مبارکباد پیش کی اور نیک خواہشات کا بھی اظہار کیا صدر پریس کلب محمد انور شیخ نے کہاکہ آرٹسٹ ہمارے ملک کا قیمتی اثاثہ ہیں چاند برال کا تعلق گجرات شہر سے ہے اس نے بہت کم عمر میں بین الاقوامی سطح پر اپنے اور اپنے ملک وقوم کا نام روشن کیا ہے بالخصوص گجرات کے باسیوں کو چاند برال پر فخر ہے انور شیخ نے مزید کہاکہ ہم چاند برال کی مزید کامیابی کے لیے دعاگو ہیں اس موقع پر ممتاز آرٹسٹ چاند برال نے کہا کہ گجرات پریس کلب آکر بے حد خوشی محسوس کررہا ہوں گجرات پریس کلب کے عہدیداران اور دیگر ساتھیوں نے جو مجھے عزت دی ہے وہ کبھی بھی نہیں بھلا سکوں گا گجرات میر اپنا شہر ہے گجرات کے صحافی بہت جرات مند اور شہر ی بھی بہت دلیر ہیں ان کی دعاؤن سے آج مقام پر ہوں بڑی خوشی محسوس کررہا ہوں میں نے ہمیشہ اپنے شہر کے لوگوں کی بات کی ہے میں صحافیوں کو یقین دلاتا ہوں کہ میرا سب کچھ پریس کلب اور گجرات کے شہریوں کے لیے حاضر ہے آخر میں چاند برال نے گجرات پریس کلب کے صدر اور گروپ لیڈر عثمان طیب کا شکریہ ادا کیا ۔