Haji asgrpark change

لالہ موسیٰ(جمیل احمدطاہر) لالہ موسیٰ شہرکا اکلوتافیملی پارک ’’حاجی اصغرپارک‘‘ پلے گراؤنڈمیں تبدیل ،فیملیزپارک جانے سے کترانے لگیں، اس سلسلہ میں ملنے والی اطلاعات کے مطابق حاجی اصغرپارک جسے عرف عام میں ٹینکی پارک بھی کہاجاتاہے کہ اس وقت ٹی ایم اے انتظامیہ کی بے حسی اور لاپرواہی سے ’’پلے گراؤنڈ‘‘ میں تبدیل ہوچکاہے ،پارک میں صبح اور شام کے وقت علاقہ کے نوجوان کرکٹ وغیرہ کھیلنے آجاتے ہیں جس سے واک کرنے والی خواتین اور فیملیزکو شدیدپریشانی کا سامناکرناپڑتاہے ،ٹی ایم اے انتظامیہ نے پارک میں عوام کی سہولت کیلئے لاکھوں روپے کی مالیت سے جھولے،واک ٹریک اور ایکرسائزمشینیں تومنگوالی لیکن پارک میں کرکٹ کھیلنے والے نوجوانوں کو روکنے والاکوئی نہیں،جس سے حکومت نے پارک کیلئے جو لاکھوں روپے لگائے تھے ،خواتین اور فیملیزکے وہاں نہ جانے سے پارک کا مقصدفوت ہوچکاہے ،عوامی وسماجی حلقوں نے اے سی کھاریاں سے ایکشن لینے کا مطالبہ کیاہے۔