Haji Aurangzeb Butt

گجرات(صغیر احمد قمر) نیو سرکاری سبز منڈی فیز1کے وفد نے حاجی ساجد بشیر کی زیر قیادت ایڈمنسٹریٹر مارکیٹ کمیٹی حاجی اورنگزیب بٹ سے ملاقات کی اور ایڈمنسٹریٹر بننے پر مبارک باد پیش کی مٹھائی اور قہوہ سے تواضع کی نیو سرکاری سبزمنڈی کے وفد نے سبزی منڈی اور آڑھتیوں کے مسائل سے آگاہ کرتے ہوئے بتایا کہ سبزمنڈی میں شیڈ نہ ہونے کی وجہ سے بارش اور دھوپ کی وجہ سے اکثر سبزیاں خراب ہو جاتی ہیں جس سے آڑھتیوں کو بھاری نقصان کا سامنا کرنا پڑتا ہے وفد نے سزی منڈی کے دیگر مسائل اور مسجد کی تعمیر کے حوالے سے ایڈمنسٹریٹر حاجی اورنگزیب بٹ کو تفصیل سے آگاہ کیا اورنگزیب بٹ نے مسائل کے حل کی یقین دہانی کرواتے ہوئے کہا کہ مسجد کیلئے میرے ذمہ جتنا بھی فنڈ لگائیں میں اپنی جیب سے دینے کو تیار ہوں میرے ذمہ حکومت نے جو ذمہداریاں لگائیں ہیں میں ان کو سیاست سے بالاتر ہو کر نبھانے کی پوری کوشش کروں گا وفد نے شکریہ ادا کیا اور اورنگزیب مہمانوں کو دروازے تک خدا خافظ کیا۔