دسمبر27 محترمہ شہید کی برسی، لیاقت باغ جلسہ ملک میں سلیکٹڈ نہیں منتخب وزیراعظم کیلئے جدوجہد کا آغاز، حاجی شکیل احمد قریشی

لالہ موسیٰ۔اسلام آباد(ایس ایم حسنین) پاکستان پیپلز پارٹی لالہ موسیٰ کے جنرل سیکرٹری حاجی شکیل قریشی نے کہا کہ لیاقت باغ میں شہید محترمہ بے نظیر بھٹو کی برسی کیلئے ہونے والا جلسہ تاریخی ہوگا۔ اس کیلئے بھرپور تیاریاں کی جارہی ہیں ۔ انشااللہ بہت جلد ملک میں سلیکٹڈ نہیں بلکہ منتخب وزیراعظم کی حکومت ہوگی۔

ان کا کہنا تھا کہ سلیکٹڈ وزیراعظم نے ملک کو تباہی کے دہانے پر پہنچادیا ہے معیشت، قانون، آئین، ہر ایک شعبے کی دھجیاں اڑائی جاچکی ہیں۔ عوام کو مہنگائی کی لعنت میں پھنسا کر اور بھاری ٹیکس عائد کر کے سلیکٹڈ حکمران مال مفت دل بے رحم کی طرح قومی اثاثے لوٹ رہے ہیں۔