Hamid Khan incompetence has apologized to fight the case in the context of Pakistan
اسلام آباد: حامد خان نے پاناما کیس کے بعد الیکشن کمیشن میں نااہلی ریفرنس میں عمران خان کا مقدمہ لڑنے سے معذرت کر لی ہے۔
الیکشن کمیشن میں عمران خان کی نااہلی سے متعلق اسپیکرقومی اسمبلی کی جانب سے بھجوائے گئے ریفرنس کی سماعت ہوئی تو چیئرمین پی ٹی آئی کی جانب سے حامد خان کے بجائے نعیم بخاری پیش ہوئے۔ انہوں نے الیکشن کمیشن کے روبرو درخواست کی کہ اب وہ حامد خان کے بجائے اس مقدمے میں عمران خان کی وکالت کریں گے۔ انہیں کیس کو سمجھنے اوراس کی تیاری کے لیے وقت دیا جائے۔ جس پرالیکشن کمیشن نے سماعت 5 دسمبر تک ملتوی کردی۔
دوسری جانب تحریک انصاف کے رہنما جہانگیرترین نے الیکشن کمیشن میں اپنا جواب جمع کرادیا۔ الیکشن کمیشن نے جہانگیرترین نااہلی ریفرنس کی سماعت بھی 5 دسمبرتک ملتوی کردی۔
واضح رہے کہ عمران خان اورجہانگیرترین کی نااہلی کے الگ الگ ریفرنسزاسپیکر قومی اسمبلی کے دفتر میں جمع کرائے گئے تھے جنہیں آئین کے مطابق اسپیکر نے الیکشن کمیشن کو بھجوائے دیئے تھے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
