چینل 24 کے رپورٹر سردار صداقت علی کا ہیڈ انجری آپریشن کامیاب، حالت اب خطرے سے باہر، سر, ہاتھ, کندھے پر شدید چوٹیں،آپریشن 2 گھنٹے جاری رہا

اسلام آباد: ( اصغر علی مبارک) سینئر صحافی چینل 24 کے رپورٹر سردار صداقت علی کا ہیڈ انجری آپریشن کا کامیاب رھا، آپریشن 2 گھنٹے سے زائد پمز ہاسپٹل میں جاری رہا، جسکے لئے پمز اسپتال کے سینئر ڈاکٹرز کی خدمات حاصل کی گئی ،سردار صداقت کو سر, ہاتھ, اورکندھے پر شدید چوٹیں آئیں تھیں، چینل 24 کے سینیئر رپورٹر اور ہمارے ھر دل عزیز دوست،حق و صداقت کا نشان بھائی سردار صداقت علی گزشتہ روز کورال اسلام آباد کے نزدیک اس وقت ٹریفک حادثے میں زخمی ھو گے تھے جب وہ میاں نواز شریف کی لاہور سے اسلام آباد آمد کے قافلے کی کوریج کر رہے تھے اور پیشہ وارانہ امور کی ادائیگی کے دوران کورال چوک میں حادثے کا شکار ہوگے تھے زندگی کتنی بھی مصروف کیوں نہ ہوجائے، کچھ لوگوں سے خلوص و پیار کا ایسا پکا رشتہ ہوتا ہے کہ وہ ہماری یادوں اور دعاؤں سے کبھی دور نہیں ہوتے اور بھائی سردار صداقت علی بھی ایک ایسی ہی شخصیت ہیں، پمز ہسپتال میں کامیاب آپریشن کے بعد صحافی سردار صداقت کی حالت اب خطرے سے باہر ہے، صحت یابی کیلئے دعاوں کا جو سلسلہ شروع ہوا، التماس اب بھی جاری و ساری رہنا چاہئیے، الله رب کریم سردار صداقت علی کو جلداز جلد صحت و تندرستی عطا فرما ے؛آمین