راولپنڈی (ویب ڈیسک) آرمی چیف جنرل قمر جاوید باجوہ نے 22 خطرناک دہشتگردوں کی سزائے موت کی توثیق کردی ہے،یہ دہشتگرد سنگین نوعیت کی کارروائیوں میں ملوث تھے،15دہشتگردوں کومختلف سزائوں کی بھی توثیق ،ثبوت نہ ملنے پرفوجی عدالتوں سے2ملزمان بری کردئے گئے۔آئی ایس پی آر کے مطابق آرمی چیف جنرل قمر جاوید باجوہ نے 22 دہشتگردوں کی سزائے موت پردستخط کردیئے ، آرمی چیف نے 15 دہشتگردوں کو مختلف سزاؤں کی بھی توثیق کی ہے،ان دہشتگردوں پر فوجی عدالتوں میں مقدمات چلائے گئے، خصوصی فوجی عدالتوں سے جرم ثابت نہ ہونے پر 2 ملزمان کو بری کردیاگیا۔آئی ایس پی آر کے مطابق دہشتگردانہ کارروائیوں میں 176 اہلکار اور سویلین شہید جبکہ 217 اہلکار اور سویلین زخمی ہوئے تھے۔ دہشتگرد فرقہ وارانہ قتل و غارت گری کے لیے آئی ای ڈی استعمال کرتے تھے، دہشتگردوں نے پولیس چیک پوسٹوں، تعلیمی اداروں پر حملے کیے تھے۔ دہشتگرد حملوں میں شہید ہونے والے 176 افراد میں سے 19 مسلح افواج کے اہلکارتھے، دہشتگرد حملوں میں 41 پولیس، لیویز اہلکار بھی شہدا میں شامل تھے، سزائے موت پانے والے دہشتگردوں نے عباس ٹاؤن کراچی میں حملہ کرایا تھا۔ دہشتگردوں کا تعلق کالعدم تنظیموں سے تھا، سزائے موت پانے والے دہشتگردوں نے عدالتوں میں اپنے جرائم کا اعتراف کیا ہے۔آئی ایس پی آر کے مطابق موت کی سزا پانے والوں میں ظفر علی، عمر کریم، محمد شیر ولی خان، بختاور، فہیم الدین، عرفان، محمد شفیق، سلطان محمود، محمد طاہر، خیرالدین، محمد اسحاق، انعام اللہ، عالم شیر، ظاہر شاہ، سید محمد، عرب جان،رحمت شاہ،رشید اللہ،محمد اسحق،عبدالرفیع،محمد اسحق اور تنحج علی سمیت دیگر شامل ہیں۔