لندن: قومی ٹیم کے سابق کپتان شاہد آفریدی اپنے آخری انٹر نیشنل میچ میں ایک بڑا اعزاز اپنے نام کرنے میں ناکام رہے۔

اٹتیس سالہ شاہد آفرید ی کو ویسٹ انڈیز کے خلاف چیریٹی میچ کے لیے ورلڈ الیون کی ٹیم کاکپتان مقرر کیا گیا تھا ، اس میچ کو انٹر نیشنل سٹیٹس حاصل تھا اور یہ شاہد آفریدی کے انٹر نیشنل کیریئر کا آخری میچ تھا،میچ سے قبل ورلڈ الیون کے کھلاڑیوں نے پاکستانی آل راﺅنڈر شاہد آفریدی کو گارڈ آف آنر بھی پیش کیا،قومی ٹیم کے سابق کپتان کو اس میچ میں 100انٹر نیشنل ٹی ٹونٹی وکٹیں لینے کے لیے 3وکٹوں کی ضرورت تھی تاہم وہ صرف ایک وکٹ حاصل کرسکے، یہ شاہد آفریدی کے انٹر نیشنل کیریئر کا 99واں میچ تھا اور یو ں وہ 100انٹر نیشنل ٹی ٹونٹی میچز کھیلنے والے پہلے کھلاڑی بھی نہیں بن سکے ۔شاہد آفریدی نے اپنے انٹر نیشنل ٹی ٹونٹی میچز میں 99میچز کھیل کر24.44کی اوسط سے98وکٹیں حاصل کیں ۔یاد رہے کہ لارڈز کرکٹ گراﺅنڈ پر کھیلے گئے اس چیریٹی ٹونٹی ٹونٹی میچ میں ویسٹ انڈیز نے ورلڈ الیون کو 72رنز سے ہرادیا۔ارما اور ماریہ سیلاب سے متاثرہ افراد کی امداد کے لیے لارڈز کے تاریخی میدان پر منعقد ہونے والے میچ میں ورلڈ الیون کے کپتان شاہد آفریدی نے ٹاس جیت کر پہلے فیلڈنگ کا فیصلہ کیا جو غلط ثابت ہوا۔ ورلڈ الیون کی قیادت عالمی شہرت یافتہ پاکستانی آل راﺅنڈر شاہد آفریدی کررہے تھے۔ ویسٹ انڈیز نے پہلے کھیلتے ہوئے مقررہ اوورز میں 4 وکٹوں کے نقصان پر 199 رنز بنائے، لیوس نے 58، سیمیوئیل نے 43 اور دنیش رام دین نے 44رنز کی باریاں کھیلیں۔

جواب میں ورلڈ الیون 17ویں اوور میں ہی 127رنز پر ہی ڈھیر ہوگئی، شاہد آفریدی بھی صرف 11رنز بناسکے۔ تھیسارا پریرا 61رنز بناکر نمایاں رہے۔ ولیمز نے 3، آندرے رسل اور سیمیول بدری نے 2،2وکٹیں لیں۔دوسری جانب ایک خبر کے مطابق قومی ٹیم کے سابق کپتان اور مایہ ناز آل راﺅنڈ شاہد خان آفریدی نے کیریبئن جزائر میں ارما اور ماریا نامی طوفانوں سے متاثرہ افراد کے لیے انتہائی بڑا اعلا ن کردیا ہے۔38سالہ شاہد آفرید ی کو ویسٹ انڈیز کے خلاف چیریٹی میچ کے لیے ورلڈ الیون کی ٹیم کاکپتان مقرر کیا گیا تھا ، اس میچ کو انٹر نیشنل سٹیٹس حاصل تھا اور یہ شاہد آفریدی کے انٹر نیشنل کیریئر کا آخری میچ تھا جس میں انہوں نے ایک وکٹ حاصل کرنے کے ساتھ ساتھ 11رنز بھی سکور کیے ۔میچ کے بعد سوشل میڈیا ویب سائٹ ٹویٹر پر اپنے پیغام میں شاہد آفریدی کاکہنا تھا کہ ” میں انٹر نیشنل کرکٹ کونسل کا شکر گزار ہوں جنہوں نے مجھے کرکٹ ریلیف کے مقصد میں اپنا حصہ ڈالنے کا موقع فراہم کیا ،یہ میرے لیے بہت اعزاز کی بات ہے اور اس کی یادیں دیر تک میرے دل میں برقرار رہیں گی،میں اپنی فاﺅنڈیشن کی جانب سے کیریبئن جزائر میں سمندری طوفان سے متاثرہ افراد کے لیے 20ہزار ڈالرز دینے کا اعلان کررہا ہوں “ ۔