However, serious problems of power supply suspended at 7 pm, citizens
سکھر شہر کے بیشتر علاقوں میں بجلی کی فراہمی صبح7 بجے سے معطل ہونے کے باعث شہریوں کو شدید مشکلات کا سامنا ہے۔
سیپکو نے 12گھنٹے بجلی معطل کرنے کا نوٹس دیا تھا۔ 15 گھنٹے سے زائد گزر گئے، لیکن اب تک بجلی بحال نہ ہوسکی ہے۔ سیپکو کی جانب سے گزشتہ روز شہریوں کو بجلی بند کرنے کا شیڈول جاری کیا گیا تھا۔
جس کے مطابق اتوار کے روز مرمتی کام کے باعث سکھر میں132 کے وی گرڈ اسٹیشن کے5 فیڈرز سے صبح 8بجے سے رات 8بجے تک بجلی معطل رہے گی۔
لیکن سیپکو کی جانب سے صبح7 بجے ہی بجلی معطل کردی گئی، جو16 گھنٹے گزر جانے کے باوجود بحال نہیں کی گئی تھی۔ بجلی معطل ہونے سے شہریوں کو شدید مشکلات کا سامنا ہے، جبکہ کاروباری سرگرمیاں بھی متاثر رہیں۔
سیپکو ترجمان کا کہنا ہے کہ سسٹم کو اپ گریڈ کیا جارہا ہے، بجلی بحال ہونے میں مزید وقت لگے گا۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
