Hyderabad

جاں بحق ہونے والوں میں 18 سالہ فیضان سیکنڈ ایئر اور 14 سالہ فرقان آٹھویں جماعت کے طلباء تھے
حیدر آباد (یس اُردو) حیدر آباد کے علاقہ کچہ قلعہ میں ایک گھر کی دیوار گرنے سے 2 بھائی جاں بحق ہو گئے ، واقعہ کے بعد علاقہ کی فضاء سوگوار ہو گئی ۔جاں بحق ہونے والوں میں 18 سالہ فیضان سیکنڈ ایئر اور 14 سالہ فرقان آٹھویں جماعت کے طلباء تھے ، جو سحری کرنے کے بعد اپنے گھر کے صحن میں دیوار کے ساتھ چارپائی پر سو رہے تھے کہ اچانک ساڑھے 4 فٹ کی دیوار گر گئی ۔ واقعہ کے بعد دونوں بھائیوں کو سول ہسپتال حیدر آباد پہنچایا گیا جہاں ڈاکٹروں نے دونوں بھائیوں کی موت کی تصدیق کر دی۔ میتیں علاقہ میں پہنچیں تو گھر میں کہرام مچ گیا اور علاقہ کی فضاء سوگوار ہو گئی۔ جاں بحق دونوں بھائیوں کے والد محمد افضال ایک غریب پک اپ ڈرائیور ہے ۔