I like to have

بھارتی ریاست بہار میں بارہویں جماعت کے امتحانات میں ٹاپ کرنے والی لڑکی کو نقل مارنے کا جرم ثابت ہونے پر جیل بھیج دیا گیا ہے
نئی دہلی: (یس اُردو) بھارتی ریاست بہار سے تعلق رکھنے والی طالبہ روبی رائے نے دوران تفتیش انکشاف کیا ہے کہ وہ امتحانات میں ٹاپ کرنے کا سوچ بھی نہیں سکتی تھی، اس کے برعکس وہ صرف پاس ہونا چاہتی تھی۔ میں نے تو پاپا سے کہا تھا پاس کروا دیں، انہوں نے ٹاپ ہی کروا دیا۔ بھارتی میڈیا کے مطابق اس سے قبل روبی رائے نے اپنے بیان میں کہا تھا کہ وہ ایک سیدھی سادی دیہاتی لڑکی ہے۔ اسے نہیں معلوم کہ بارہویں کہ امتحانات میں اس نے کیسے اول پوزیشن حاصل کر لی۔ اب روبی رائے کو امتحانات میں نقل مارنے کے جرم میں جیل بھیج دیا گیا ہے۔ روبی رائے کو جیل بھیجنے کے فیصلے پر تنقید کی جا رہی ہے۔ کہا جا رہا ہے امتحانی نظام ہی ایسا بنانا چاہیے جس میں طالب علموں کو سزا دینے کی بجائے ان کا احتساب ہو۔واضح رہے کہ بھارتی ریاست بہار میں انٹرمیڈیٹ امتحانات میں طالبہ روبی رائے نے پہلی پوزیشن حاصل کی تھی تاہم ان کے ایک ویڈیو انٹرویو نے ان کی کارکردگی کا بھانڈا پھوڑ دیا۔ ویڈیو میں روبی نے لفظپولیٹیکل سائنس بھی غلط بولا اور جب ان سے اس کا مطلب پوچھا جاتا ہے تو وہ کہتی ہیں کہ یہ کھانا پکانے سے متعلق ہے۔ سوشل میڈیا پر اس ویڈیو کے وائرل ہونے کے بعد روبی رائے کے امتحانی نتائج کو منسوخ کرتے ہوئے انھیں دوبارہ امتحان دینے کے لیے کہا گیا جس میں فیل ہو گئیں۔